O pasado 16 de xuño celebramos na biblioteca unha actividade de contacontos ilustrados a cargo da asociación "polo correo do vento" . Unha actividade que formaba parte do proxecto Donas de sí.
Pasamos unha xornada na que a arte da ilustración apareceu combinada coa da literatura e a música.
O amigo invisible fixo das súas e deixou agasallos en forma de libros aos integrantes do noso centro educativo. Aquí tedes algunha mostra do emocionante momento de recollida dos libros.
Os alumnos de latín recibiron emocionados os diplomas que acreditan o coñecemento do idioma no nivel B1 da lingua latina. Obtiveron un diploma coa medalla de ouro, outro coa de bronce e o resto coas medallas de prata.
A directora e a profesora de latín recibiron cadanseu galardón por promover a participación do alumnado neste certame europeo.
Inma Soto visitounos o pasado 3 de abril e encheu a nosa biblioteca de enerxía e alegría a que non foron alleos os nosos alumnos que quedaban abraiados escoitando as aventuras da Xela, unha heroína de aldea.
O pasado venres 21 de marzo tivemos unha actividade para os máis pequenos de animación á lectura. A ponente Sabela animou aos alumnos que participaron activamente na actividade.
O pasado 19 de marzo a furgoteca chegou ao centro escolar. Remedios, a responsable da mesma, preparou unha actividade de xogos para os alumnos de infantil e primaria.
A motivación que lles supón a visita de Reme e a súa furgoteca é xenial e anima ao alumnado á lectura e ao xogo.
Os chanzos de camiño ás aulas e á biblioteca locen máis luminosos coa nova decoración de vinilos baseados en obras da literatura infantil e xuvenil presentes na nosa biblioteca.
A mascota viaxeira segue a percorrer mundo. Os últimos lugares que visitou foron Málaga, Ronda e Antequera, asimesmo non deixou de acompañar aos alumnos de cuarto da ESO na súa viaxe a Berlín.
Seguiremos contando máis aventuras porque tamén andou por terras italianas. Non hai quen o pare.
O pasado 16 de xuño celebramos na biblioteca unha actividade de contacontos ilustrados a cargo da asociación "polo correo do vento...
