O luns 18 de maio de 2026, o alumnado de Infantil, Primaria e 1º da ESO viaxou no tempo con Xosé da compañía de teatro A xanela do maxín e grazas á súa máquina do tempo. Toda a rapazada participou activamente no espectáculo descubrindo a vida e a obra de Begoña Caamaño e tamén doutros autores e autoras tales como Eduardo Pondal, María Mariño, Eduardo Pondal ou Rosalía de Castro.
O venres 24 de abril, a través da Editorial Vicens Vives, tivemos a visita de Erea Mora. Actriz e narradora oral, Erea animou esta sesión chea de humor ao redor das redes sociais para toda a rapazada da ESO.
Coma cada ano celebramos no centro o día do amigo invisible lector. Profesorado e persoal non docente implicámonos nesta actividade que compaxina o lúdico co educativo.
O xoves 23 de abril celebramos o Día Internacional do Libro cunha actividade de escritura creativa na nosa Biblioteca.
A rapazada de Secundaria mais os nenos de 4º, 5º e 6º de Primaria participaron neste taller presentado pola xove escritora ourensá Alba Guzmán, gañadora de máis de vinte premios literarios e autora de "A vinganza de Paquiño Jackson", novela gañadora do IV Premio Xuventude Crea 2024.
Despois de varias semanas de traballo en equipo, profesorado e alumnado, por fin completamos o puzzle que vai a formar parte da decoración da biblioteca, unha fotagrafía de libros nunha edición clásica que costaba de 2000 pezas.
Traballo feito!
.jpg)
O Moucho Moncho leva un ano moi viaxeiro. Estivo hai un mes por terras de México e agora nesta Semana Santa viaxou el e maila súa compañeira a destinos tan envexables coma Austria, Munich, Lisboa e mais Sintra. Quen fora o moucho Moncho!
O pasado venres celebramos o día da narración oral con música, contos e mesmo poesía.
O alumnado de primaria e 1º ESO escenificou, nalgúns casos, as historias contadas. O profesorado e alumnado de infantil escoitáronnos ben atentos.
O luns 18 de maio de 2026, o alumnado de Infantil, Primaria e 1º da ESO viaxou no tempo con Xosé da compañía de teatro A xanela do maxín e...
