MONÓLOGO NA BIBLIOTECA

 O venres 24 de abril, a través da Editorial Vicens Vives, tivemos a visita de Erea Mora.  Actriz e narradora oral, Erea animou esta sesión chea de humor ao redor das redes sociais para toda a rapazada da ESO.

DÍA DO LIBRO. AMIGO INVISIBLE

 Coma cada ano celebramos no centro o día do amigo invisible lector. Profesorado e persoal non docente implicámonos nesta actividade que compaxina o lúdico co educativo.

DÍA DO LIBRO

 O xoves 23 de abril celebramos o Día Internacional do Libro cunha actividade de escritura creativa na nosa Biblioteca.

A rapazada de Secundaria mais os nenos de 4º, 5º e 6º de Primaria participaron neste taller presentado pola xove escritora ourensá Alba Guzmán, gañadora de máis de vinte premios literarios e autora de "A vinganza de Paquiño Jackson", novela gañadora do IV Premio Xuventude Crea 2024. 

PUZZLE COMPLETADO

 Despois de varias semanas de traballo en equipo, profesorado e alumnado, por fin completamos o puzzle que vai a formar parte da decoración da biblioteca, unha fotagrafía de libros nunha edición clásica que costaba de 2000 pezas.

Traballo feito!

DIPLOMAS DE LATÍN EUROCLASICAS

O alumnado de 4º da ESO acadou o certificado que acredita o nivel B1 en lingua latina. Así de satisfeitos posaron cos seus diplomas.

E o Moucho falou e dixo: "Quero viaxar" e os seus desexos cumpríronse enseguida.

 O Moucho Moncho leva un ano moi viaxeiro. Estivo hai un mes por terras de México e agora nesta Semana  Santa viaxou el e maila súa compañeira a destinos tan envexables coma Austria, Munich, Lisboa e mais Sintra. Quen fora o moucho Moncho!

México

Austria e Munich

Lisboa e Sintra