25 N: DÍA INTERNACIONAL DA ELIMINACIÓN DA VIOLENCIA DE XÉNERO

O 25 de novembro (venres) a rapazada de 4º ESO interpretou unha  haka, danza tradicional guerreira do pobo maorí, para manifestar o seu apoio ás vítimas da violencia de xénero.

Ademais, todo o alumnado da ESO participou nunha escritura de lemas contra a violencia de xénero en camisetas brancas, que foron colocadas nun tendal no vestíbulo do centro. 

 

OS PEQUENOS LECTORES GOZAN DA BIBLIOTECA

Os máis novos do cole visitan a miúdo a biblioteca! 

Este xoves pasado gozaron da nova remodelación do seu recuncho e descubriron unha morea de historias fantásticas!

O MES DA CIENCIA NA BIBLIOTECA🔍 

O 4 de novembro celébrase o día da Ciencia en Galego para poñer en valor o uso da nosa lingua na investigación desenvolta en Galicia. 

Aproveitamos esta data para organizar un concurso baseado nunha busca e recollida de información científica. Tratábase de contestar as preguntas dun xogo de pistas que organizou o noso Moucho Moncho. Deste xeito, a biblioteca transformouse nun verdadeiro laboratorio de investigación!

A participación do alumnado tanto de Primaria como de Secundaria foi excelente! Para agradecerlles a súa participación, as gañadoras e gañadores recibirán un pequeno agasallo!

Entrega de premios na Biblioteca 

mércores 21 de decembro de 2022 

(durante os recreos)🏆