A LINGUA PORTUGUESA CHEGA Á NOSA BIBLIOTECA

 O moucho Moncho, mascota da nosa biblioteca fixo unha nova amizade, a do galo, símbolo representativo do noso país veciño. Por iso, e para favorecer os contactos entre a nosa lingua e a portuguesa comezamos coas primeiras adquisicións de libros no idioma portugués para alumnos de primaria e secundaria.

XORNADAS BIBLIOTECA ESCOLAR

  O pasado sábado tiveron lugar en Santiago as xornadas de biblioteca escolar. Unhas xornadas que facían fincapé na lectura do cómic e banda deeñada como un tipo de lectura non secundaria, senón máis ben principal, creativa, inxeniosa e ata saudabel. Expertos na materia coma Miguel Anxo Prados falrónnos das bondades deste tipo de libros, do xogo interdisciplinar que podemos levar a cabo grazas á introducción das mesmas nos programas educativos e  aportáronnos moitas ideas para levar a cultura do cómic, manga e tebeo aos nosos alumnos.

   

Unha biblioteca escolar en viñetas é unha biblioteca máis completa, máis creativa e máis artística.

VOLVEN AS MOCHILAS VIAXEIRAS

O moucho Moncho estivo a preparar estas mochilas viaxeiras para os rapaces e rapazas de Primaria así como esta preciosa maleta para os máis cativos de Infantil!

Felices lecturas para todos!😀

MES DA CIENCIA EN GALEGO

Dá comezo  o MES DA CIENCIA EN GALEGO. 

"A ciencia é un dos sabores do saber. Para degustala, é moi importante a nosa participación activa, e o grande activador é a curiosidade. Precisamos formular preguntas para saborear a ciencia e a lingua pemítenos degustala, e tamén é a canle para contar e escoitar as respostas".

Elena Vázquez Cendón, doutora en matemáticas.

Dende a biblioteca animámosvos a que alimentedes a vosa curiosidade científica e deixámosvos algunhas recomendacións lectoras:

Neste libro atoparás todo o que precisas saber para creares a túa horta na casa e dende cero. Coñecerás os procesos de semente e colleita e os cultivos que podes poñer en cada época do ano.

Un libro de conversas pensado para introducir á mocidade na filosofía.

Historia da ciencia, dos inventos, do estudo da natureza e da realidade, chea de pequenos fitos curiosos que alumean o camiño cara o descoñecido.

Dentro deste libro atoparás unha morea de actividades para gozar do monte en calquera momento do ano e así sacarlle o mellor proveito ás túas visitas á natureza.

Este libro recolle as biografías de vinte científicas galegas. Elas abriron as portas da ciencia a miles de mulleres.

Visita dos alumnos CPI Padrenda Crespos a Telemiño

Os alumnos do noso centro convertéronse en auténticos xornalistas por un día. Visitaron as instalacións do xornal La Región e Telemiño e alí colaboraron activamente na realización do seu propio programa de entrevistas nas que falaron das bondades da vida no rural.

CHEGOU O SAMAÍN...

 31 de outubro, tarde de cabazas e historias de terror👀

A comunidade escolar do CPI Padrenda-Crespos acudimos á praza de San Roque para celebrar o Samaín. Alí os alumnos expuxeron as súas cabazas decoradas e léronse varias historias de terror.

UNHA HISTORIA DE MEDO👻

Os rapaces e rapazas de 5º e 6º preséntanvos unha pequena obra de teatro, adaptación dun famoso "Contos por palabras" de Agustín Fernández Paz. Unha historia terrorífica contada co gallo das festas de Samaín desta semana!